छत्र शंकर, क्यानवेरा ।
क्यानवेराको आकाशामा मंगलवार चन्द्र सुुर्य अंकित नेपाल एरलाइन्सले फन्को मारिरहँदा घर फर्कनै पर्ने ब्यग्र पखाईमा रहेका नेपालीहरु देशको विमानले प्रदेशलाई जोड्दा गर्वले जयजयकार गरे ।
घर फर्कन आतुर हुनेहरुले सामाजिक संजाल मार्फत भन्दै थिए यही विमानले काठमाडौं झार्दिए भइहाल्थ्यो नी ।
विमान अवतरण गरेको दुई घण्टामा ११ जनामात्र नेपाली बोकेर फर्किए पछि नेपाल फर्कनै पर्नेहरुको मन दुखेको छ । आर्थिक तथास्वास्थ्य समस्यामा परेका तीनजनाफर्कनु त स्वभावीक नै हो बाँकी८जना कसरी फर्किए ?
दुतावाससंग विमानमा फर्कने तीन जनाको मात्रसूची छ । उनीहरुलाई नै पु¥याउन जब दुतावसका कर्मचारी विमानस्थल पुगे फर्कनेहरु थपिएको देखेर छक्क परे !
लकडाउनका कारण आर्थिक तथा स्वास्थ्य समस्यामा परेका विशाल पौडेल, एलिशा अधिकारी र सुनिता परियार दुतावसको पहलमा नेपाल फर्किएका हुन । विमानस्थामा पुगेका दुतावसका कर्मचारी भन्छन्, “तालिममा आएका गृहक दुईजना कर्मचारी जितेन्द्र वलामी, जयकला राई र अन्य ६ जना देख्यौ । तर उनीहरुको नाम मंगलवार नेपाल फर्कने दुतावासको टिस्टमा छैन । हाम्रो सूचीमा तीनजना वाहेक फर्कनेहरुको सूचीनै थिएन ।”
यसअघि नै दुतावसले अस्ट्रेलियावाट फर्कन चाहने १३ सय भन्दाबढीको नामावली सरकारलाई बुझाई सकेको छ । यस अघिका दुइवटा चार्टर विमानमा नै समस्या परेका नेपालीलाई फिर्ता पठाउन दुतावासहले पहल गरेको थियो । स्रोत भन्छ, “मंगलवार फर्किएका आठ जनाकोको सूची दुतावास संग छैन । उनीहरुआ–आफ्नै च्यानल प्रयोग गरेर नेपाल फर्किए होलान ।”
केही नेता र सरकारी उच्चअधिकारीका आफन्त तथा चिनजानका मान्छेहरु पनि विमानवाट नेपाल फर्किएका छन् ।
मंगलवारको क्यानवेरा टु काठमाडौ उडानमा अस्ट्रेलियाबाट चर्चा भट्राई, सुनिष्ठा दाहाल, उसा मरासिनी, रमेश सिलवाल, ज्योति सिलवाल र नेत्र मारासिनी नेपाल फर्किएका छन । उनीहरुले दुतावसले जारी गरेको नेपाल फर्कने फारम भरेका थिए । उषा र नेत्र भ्रमणका लागि केही महिना अघि अस्ट्रेलिया आएको बुझिएको छ ।
उनीहरुले पनि सिधै मन्त्रालयको पावर लगाएर फर्कने लिस्टमा आफ्नो नाम पारेका थिए । साथै उनीहरुले सोही विमानमा फर्कन दुतावासलाई बारम्वार दबाव दिएको बुझिएको छ ।
तर, दूतावासले समस्यामा परेका तीनजना भन्दा बढी लैजान नमिल्ने जवाफ दिएपछि उनीहरुले सिंहदरवारको पावर लगाएका थिए ।
नोभिल कोरोना भाइरस (कोभिड–१९) रोकथाम तथा नियन्त्रण उच्च स्तरीय समन्वय समितिले निर्णय नै गरेर उनीहरुलाई नेपाल फर्काएको छ । दुतावासले भने अस्ट्रेलियन सरकारले चार्टर गरेको नेपाल एयरलाइन्सको विमानमा २६० जनालाई नै पठाउन पहल गरेको दावी गरेको छ ।
तर, प्राविधिक कारणले चार्टर विमान लैजान नमिल्लने भएपछि मृत्यूकै मुखमा पुगेका क्यान्सर पीडित, उनकी श्रीमती र आर्थिक तथा मानसिक समस्यामा परेकी एक जना गरी तीनजलाई फिर्ता पठाएको छ ।
दुतावास स्रोत भन्छ, “आठ जनाले उतैको पावर लगाएर उडेपछि हामीले के गर्ने । शक्तिको भरमा नेपाल फर्किएकाहरुले गृह र परराष्ट्र मन्त्रालयको निर्णय सहित नेपाल एयरलाईन्सको टिकट समेत काठमाडौंवाट मिलाएको बुझिएको छ ।”
https://nepaleseaustralian.com.au/archives/3200
