काठमाडौं, नेपाल ।
पाइलटसहित नेपाल वायुसेवा निगमका ७ जना उडान कर्मचारीमा कोरोना संक्रमण पुष्टि भएको छ ।
हाल कोरोना संक्रमणको आशंका गरिएका ३ जना पाइलट र अन्य ११ जना भने क्याविन क्रु मध्ये ७ जनाको पिसिआर परिक्षण रिर्पोट पोजेटिभ आएको नेपाल बायुसेवा निगमले जनाएको छ ।
बाँकी सात जनाको रिर्पोट आउन बाँकी रहेको बताइएको छ ।
पुष्टि भएका भएका पाइलट तथा उडान कर्मचारी सबै होटल क्वारेन्टिनमा रहेको निगमले जारी गरको विज्ञप्तिमा उल्लेख छ ।
उड्ययनमन्त्रीद्धारा दुःख व्यक्त
यसैबीच, संस्कृति, पर्यटन तथा नागरिक उड्डयनमन्त्री योगेश भट्टराईले सरकारले दिएको जिम्मेवारी पूरा गर्ने क्रममा निगमका कर्मचारीमा कोरोना भेटिएकोमा दुःख व्यक्त गर्नुभएको छ ।
‘संकटकालीन अवस्थामा उहाँहरुले गर्नुभएको कामको उच्च प्रशंसा गर्दछु। उहाँहरुको शीघ्र स्वास्थ्यलाभको कामना गर्दछु।’ सामाजिक सञ्जाल ट्विटरमा मन्त्री भट्टराईले लेख्नुभएको छ ।
