बिहीबार थप ९ जनामा कोरोना संक्रमण पुष्टि भएको छ ।
रुपन्देहीको लुम्बिनीका १ पुरुष र झापाका ८ जना पु्रुषमा कोरानो संक्रमण पुष्टि भएको बिहीबार स्वास्थ्य तथा जनसंख्या मन्त्रालयका प्रवक्ता विकास देवकोटाले नियमित प्रेस ब्रिफिङमा जानकारी दिएका हुन् ।
यसअघि बिहीबार नै १७ जनामा कोरोना संक्रमण पुष्टि भएको मन्त्रालयले जानकारी दिएको थियो ।
योसँगै नेपालमा कोरोना संक्रमितको संख्या ४५३ पुगेको छ ।
यस्तै कोरोनाबाट नेपालमा तीन जनाको ज्यान गएको छ। सिन्धुपाल्चोक, बाँके र गुल्मीका १–१ जनाको मृत्यु भएको हो ।
यसैबीच हालसम्म कोरोना निको हुनेको संख्या ४९ पुगेको छ ।
आज टेकु अस्पतालमा उपचार गराइरहेका ४ जना निको भएसँगै कोरोना निको हुनेको संख्या ४९ पुगेको हो ।
