होबार्ट । नेपाली सोसाइटी अफ तास्मानिया द्वारा होवार्टमा सञ्चालित नेपाली पाठशालामा ३ देखि दश वर्षका नानि बाबुहरूका लागि भर्ना खुलेको छ ।
आइतबार होवार्टको रोयल बुटा निकल गार्डेनमा आयोजित अभिभावक र बालबालिका बिच पिकनिक आयोजना गरी भर्नाका लागि प्रोत्साहित गरिएको नेपाली सोसाइटी अफ तास्मानियाका अध्यक्ष अभिनव आचार्यले जानकारी दिए ।
पाठशालामा भर्ना अभियान विगत वर्षकै निरन्तरता भएको बताउँदै आचार्यले भर्नाका लागि फेसबुक पेज तथा इमेलबाट पनि नाम दर्ता गराउ अभिभावकहरुलाई आग्रह गरेका छन् । यस वर्ष प्रति विद्यार्थी भर्ना शुल्क २० डलर राखिएको छ ।
होबार्टमा सञ्चालित नेपाली पाठशालामा नानिबावुहरुलाइ नेपाली भाषा कला र संस्कृतिका बारेमा सिकाइने गरिन्छ । आगामी आइतबार बिहान ११ बजे देखि १ बजे सम्म कक्षा सञ्चालन हुने सोसाइटीले जनाएको छ ।
