नेपाल राष्ट्र बैंकका गभर्नर महाप्रसाद अधिकारीको मुद्दामा अन्तरिम आदेशले निरन्तरता पाएको छ ।
आजको रिटमा सर्वोच्च अदालतले अन्तरिम आदेशलाई निरन्तरता दिएको छ । उनको रिटमा न्यायाधीशद्वय सपना प्रधान मल्ल र टंकबहादुर मोक्तानको संयुक्त इजलासले यसअघि जारी भएको अन्तरिम आदेशलाई निरन्तरता दिएको हो ।
यसअघि वैशाख ६ गते अल्पकालीन अन्तरिम आदेश जारी गर्दै अधिकारीलाई काममा फर्किन, उनीविरुद्धको छानविन समितिलाई काम नगर्न र दुवै पक्षलाई अन्तरिम आदेशबारे छलफलमा आउन सर्वोच्चले भनेको थियो।
गत चैत २५ गते अर्थ मन्त्री जनार्दन शर्माको प्रस्तावमा मन्त्रिपरिषदले गभर्नर अधिकारीमाथि छानविन गर्ने समिति गठन गरेको थियो । छानविन समिति गठन भएपछि उनी स्वतः निलम्बनमा परेका थिए ।
