सिड्नी । गैर आवसीय नेपाली संघ अस्ट्रेलियाको निर्वाचन केही अघि सम्पन्न भइसकेको छ भने नतिजा पनि सार्वजनिक भइसकेको छ । निर्वाचन हुनु र नतिजा सार्वजनिक हुनु सामान्य विषय भएपनि निर्वाचनपछि देखिएको मतपरिणम भने केही रोचक देखिएको छ ।
‘नो भोट’ अर्थात कुनै पनि उम्मेद्वारलाई भोट नदिनेहरुको संख्या उल्लेख्य देखिएको हो । कुल भोटको संख्याका आधारमा तुलना गर्दा यो संख्या १० प्रतिशत देखिएको छ ।
प्रजातान्त्रिक अभ्यासमा विशेषत पश्चिमा मुलुकमा नो भोट सामान्य मानिने भएपनि सामाजिक अवधारणमा स्थापित भएको गैर आवसीय नेपाली संघको निर्वाचनमा ठूलो संख्यामा नो भोट देखिनु भनेको अनौठो मानिएको छ । यसलाई मतदाताको उम्मेद्वारप्रतिको घट्दो विश्वासका रुपमा हेरिएको छ ।
कतिपयले यसलाई चुनावी समीकरणका क्रममा आफुले मन पराएका व्यक्ती उम्मेद्वार नभएपछि ‘नो भोट’को विकल्प रोजेको हुनसक्ने अनुमान गरिएको छ ।
यसपटको निर्वाचनमा कुल ११ हजार ६ सय १७ मतदातामध्ये ८ हजार ३ सय ६६ जना मतदान प्रकृयामा सहभागी भएका थिए । उक्त संख्यामध्येका ३ हजार २ सय ५१ जनाले भने मतदानमा सहभागिता नै जनाएनन् ।
कुन पदमा कति ‘नो भोट’
अध्यक्षः
खसेको कुल भोट–८,३६६
नो भोट –४६१
महासचिवः
खसेको कुल भोट–८,३६७
नो भोट –७३७
सचिवः
खसेको कुल भोट–८,३६५
नो भोट –८०३
