क्यानबेरा, केही बर्षअघि सिड्नी रेलमा वेवारिसे भेटेको पैसा बुझाएर असल नागरिककोे परिचय बनाएका भक्त्तपुरका नरेश अवाललाई क्यानवेराको क्वारेन्टिनमा पाएको सुविधा भन्दा, नेपालमा गोठको क्वारेन्टिनमा बसेकाहरुको चिन्ताले सताएको छ ।
विश्वभर कोरोना भाइरस संक्रमण बढी रहदा गत मार्च ८ मा मातृभूमीको मायाले त्रास नै त्रासकाबीच नेपाल गएका नरेश लकडाउन कै कारण ७५ दिनसम्म नेपालमै थुनिए ।
अस्ट्रेलियन नागरिक भइसकेका नरेशलाई सरकारले नेपाल एयरलाइन्सको विमानवाट गत मंगलवार क्यानवेरा ल्याइसेको छ । उनी चन्द्र सूर्य अंकित विमानवाट शानका साथ अस्ट्रेलिया आएर क्यानवेरामा विशेष सुविधाको १४ दिने क्वारेन्टिन कटाई रहेका छन ।
लकडाउनका कारण मातृभूमीका नागरिकले काठमाडौं देखी कर्णली सम्म कलंकी देखि काकडभित्तासम्म खालीखुट्टा हिडेर घरपुगेको दृश्यहरु, नरेशले आफै क्वारेन्टिनमा बस्दा समेत अझै भुल्न सकेका छैनन ।
उनी भन्छन, “मलाई त लाग्छ, हामी नेपालीमुलका अस्ट्रेलियनहरुलाई क्वारेन्टिनमा बस्नका लागि यती धेरै सुविधा चाहिदैन पनि थियो, हामीले माग्ने पनि थिएनौ होला । तर देश विकसित र शासक राम्रो भएकै कारण हामीले नसोकेको सुविधा पायौ ।”
आफू सुविधान सम्पन्न क्वारेन्टिनमा बसेपनि नेपाल फर्कने दाजुभाइको क्वारेन्टिनबसाई कस्तो होला भन्ने चिन्तामा डुवेका छन् नरेश । उनी थप्छन विकसित देशबाट गएका मान्छेहरुले त होटलमा बसेको शुल्क आफै तिर्लान । तर खाडीमा श्रम र भारतमा मजदुरी गरी फर्किएका नेपालीहरुले होटलमा बस्ने र खाने खर्च कसरी जुटाउलान ?
भारतबाट आएका नेपालीहरु तराइको तातो हावामा पाल टागेर रात कटाइरहेका छन, उनीहरुलाई कस्तो गर्मी होला !
नेपाल सरकारको ब्यववस्थापन राम्रो भए आर्मी क्याम्प, स्टेडियमर होटललाई क्वारेन्टिन केन्द्र बनाउन सकिने नरेशको सुझाव छ । भावुक हुदै भन्छन, “सरकारी योजना नभएकै कारण लकडाउनको बेला नेपालीहरुले पाउनुु दुख पाइरहेका छन्, खै के नै गर्न सकिन्छ र ?”
भक्तपुरबाट १३ बर्ष अघि विद्यार्थी भिसामा कंगारुको देश टेकेका नरेश मातृभूमीको मायाले मार्च आठमा नेपाल गएका थिए ।
उनको लकडउन यात्रा यस्तो छः अस्ट्रेलियाबाट उड्दा केहीले मास्कलगाएको देखिन्थयो । मलेशियाबाट त सवै यात्रुहरुले मास्क लगाएका थिए । यात्रुहरु डराए जस्ता देखिन्थे । मान्छेलाई मान्छे देखिनै डर भएको भान हुन्थ्यो । त्रास नै त्रासका वीच घर त पुगियो तर, म नेपाल पुगेको दुईहप्ता पछि नेपालमा लकडाउन शुरु भयो ।
भाइरसको संक्रमण पनि विस्तारै बढ्दै गयो । नेपालमा मानसिक तनाव चाही थियो नै । दुई बर्षपछि घर गएको बाहिर निस्कनै पाइएन । शुरुमा घरमै बसियो । घरमा बसिरहनपनि गाह्रो नै भयो । त्यपछि विस्तारै परिवारसंग समय बिताउन थालियो । एउटा कुराले चाही साह्रै दुख लाग्थ्यो हिडेरै घर जानेहरुको दुखले चाही मन नराम्रो दुख्यो ।
तै पनि सामाजिक संजालबाट जनचेतना फैल्याउने कामचाही गरिहेको हुन्थ्ये । अस्ट्रेलियन नागरिक भएको कारणले जहाजलिन आउछ जस्तो त लागेको थियो । चौथो विमानमा चाही फर्कने सोच बानाए ।
नेपाल एयरलाइन्सको यात्राबारे नरेशको बयानउनकै शब्दमाः यो मेरो जीवनकै पहिलो उडान हो । त्यहीपनि विजय लामा दाईसंग । जहाजमा छिरिसकेपछि आफ्नै भाषामा बोल्दा ज्यादै खुशी लाग्यो ।
कोभिडले गर्दा होला सर्भिसमा अलिक परिवर्तन भएको रहेछ । एक प्रकारको आफ्नो महशुस भयो । जय चन्द्र सूर्य भन्ने विजय लामा दाईको जुन उद्घोषले देशप्रतिको माया ओतप्रोत बनाई रहन्थ्यो ।
नरेश भन्छनः जहाज ल्याण्ड क्यानबेरामा अवतरण गरेपछि स्थानिय (अस्ट्रेलियन) हरुले फोटो खिचिरहेका थिए । बाहीर निस्कदापनि नेपालीदिदीहरु नमस्कार भनिरहेका थिए । मैले आशा गरेको भन्दा धेरै नै सम्मान पाए । ‘वेलकम टु अस्टेलिया यु वील वी अलराईट माईट’ भन्दै दिए । छेउमा बसेका पुलिसहरुले पनि ‘वेलकमटु होम’ भने । वेलकमिङ वातारणले गर्दा धरै नै खुशी लाग्यो ।
हामीलाई ब्यवस्थापन गर्नेहरुको डिभिजन वर्क धेरै नै राम्रो लाग्यो । आफ्नो स्वास्थ्यको बारेमा सोध्यो । हेल्पडेक्स, खानेपानी प्रसस्तै थियो । एयरपोर्टदेखि हामीलाई बसबाट होटल लगियो ।
होटलमा पुगेपछि चेकिङ भयो । कोठाहरु सम्म स्कटिङ गरेर लगियो ब्यागहरुपनि उनीहरुले नै बोकिदिए । कोठा भित्र पस्ने बितिकै एउटा बक्स देखे त्यहा त वाइवाई चाउचाउ पो राखीदिएको रहेछ । मसला, राज्मा नेपालीले मनपराउने खानेकुराहरु थिए । नान रोटी समेत थियो कोठामा ।
मेरो क्वारेन्टिन बसाई एकमदै विशेष सुविधा युक्त छ । आफै पकाएर खाएपनि हुन्छ । नभए अनलाईनमा गाएर खाएपनि हुन्छ । खान र वस्नको कुनै पैसा लाग्दैन । सरकारले नै सपिङको लागि ३ सय ३० लडरको भौचर कार्ड दिएको छ । अर्कोभौचर ७५ डलरको छ । त्यसैले खाजा मगाएर खान्छु ।
नरेशले क्वारेन्टिन बसेको अपार्टमेन्टको एक रातको चार सय लडर हो । तर, अस्ट्रेलियन सरकारले विदेशबाट ल्याएका आफ्ना नागरिकहरुलाई निशुल्क खान बस्नको ब्यवस्था गरेको छ । नेपालबाट फर्किएका अस्टे«लियनहरुले २५ सय ५० विमान भाडा मात्र तिरेका छन । देश भित्रिएपछि उनीहरुको सबै खाना र छानाको ब्यवस्था सरकारले नै गरको छ ।
