नेपालमा मंगलबार अहिलेसम्मकै बढी एकैदिन २८८ जनामा कोरोना पुष्टि भएको छ।
थप २८८ जनामा कोरोना पुष्टि भएसंगै नेपालमा संक्रमितको संख्या २ हजार ९९ पुगेको स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता डा. विकास देवकोटाले जानकारी दिए ।
हालसम्म सबैभन्दा धेरै प्रदेश २ मा ८१६ जनामा संक्रमण पुष्टि भएको छ । त्यस्तै प्रदेश ५ मा ६९९, कर्णाली प्रदेशमा २६२, प्रदेश १ मा १६८, सुदूरपश्चिममा ७३, बागमतीमा ५४, गण्डकीमा ३७ जनामा संक्रमण पुष्टि भएको छ।
पछिल्लो २४ घण्टामा थप ४५ जना उपचारपछि निको भएर घर फर्किएपछि कोरोनालाई जितेर घर फर्कनेको संख्या २६६ पुगेको छ।
