सिड्नी । अस्ट्रेलियाको सङ्घीय सरकारले कोभिड -१९ बिरुद्बकाे भ्याक्सिन किन्नका लागि थप दुई वटा कम्मनीसंग सम्झौता गरेसँगै १ सय ३४ मिलियन डोज भ्याक्सिन प्राप्त गर्ने भएको छ ।
यस सम्झौतासँगै अस्ट्रेलियाले कोभिड-१९ बिरुद्बकाे खोपका लागि ३ .२ बिलियन डलर लगानी गरेको छ । प्रधानमन्त्री स्कट मरिसनले बिहीबार घोषणा गरे अनुसार नोभा भ्याक्ससंग ४० मिलियन डोज तथा फिजर-वायोनटेकसंग १० मिलियन जोडको लागि सम्झौता भएको हो ।
यस अघि क्वीन्सल्याण्ड -सिएसएल र अक्फोर्ड-अस्ट्राजेनेका संगपनि खोपको लागि सम्झौता गरेको थियो । तर ती खोपहरु क्लिनिकल प्रयोग सफल भएपछि मात्र स्वीकृति प्राप्त गर्ने बताइएको छ ।
भ्याक्सिन अमेरिका र चेक रिपब्लिकमा बनेको हो र यो सन् २०२१ को सुरुवातमै आउने अपेक्षा गरिएको छ । साथै फिजर -वायोनटेक अमेरिका, बेल्जियम र जर्मनीमा निर्माण भइरहेको र यो खोप पनि आगामी वर्षको सुरुवातै आउने बताइएको छ ।
