अस्ट्रेलियामा पछिल्लो २४ घण्टामा कोभिड–१९ संक्रमणबाट ८८ जनाको मृत्यु भएको छ ।
आइतबार न्यू साउथ वेल्समा मात्रै ५२ जनाको कोभिड–१९ संक्रमणबाट निधन भएको बताइएको छ । भिक्टोरियामा २० जना, क्वीन्सल्याण्डमा १३ जनाले कोभिड–१९ संक्रमणका कारण ज्यान गुमाएका छन् ।
साउथ अस्ट्रेलियामा दुई जना र तास्मानियामा एक जनाको कोरोना संक्रमणको कारण निधन भएको बताइएको छ ।
आइतबार यसबाहेक अस्ट्रेलियाको अन्य क्षेत्रमा भने कोरोना संक्रमणको कारण मानिसको निधन भएको छैन् ।
पछिल्लो समय अस्ट्रेलियामा कोभिड–१९ को भेरियन्ट डेल्टा र ओमिक्रोन संक्रमण तीब्र बनेको छ ।
ओमिक्रोनको नयाँ प्रजाति पनि भेटिएपछि अस्ट्रेलियामा कोरोना संक्रामक दर बढ्ने चिन्ता थपिएको छ ।
