सिड्नी । गोर्खा नेप्लिज कम्युनिटी (जि एन सी) ले १५ जना जेष्ठ नागरिकहरुलाई सम्मान गरेको छ । अस्ट्रेलियामा १३ अप्रिलदेखि एक हप्ता सम्म चल्ने “सिनियर्स विक” को अवसर परेर यो कार्यक्रम आयोजना गरिएको हो ।
जि एन सीका अध्यक्ष जीतमान लिम्बुले जेष्ठ नागरिकहरुलाई खादा ओढाएर सम्मान गरेका थिए । उक्त कार्यक्रममा जेष्ठ नागरिकहरुलाई मनोरञ्जनका लागि बिभिन्न कार्यक्रमहरु र दिवा भोजको पनि आयोजना गरिएको थियो । जि एन सी अध्यक्ष लिम्बुका अनुसार कार्यक्रममा जेष्ठ नागरिकहरुलाइ स्वास्थ्य र सक्रिय जीवनयापनका लागि ध्यान दिनुपर्नेकुराहरु बारे जानकारी दिएको थियो ।
कार्यक्रममा समुदायका अग्रज डा नारायण प्रधान र भक्त लिम्बुले आ आफ्नो अनुभव सुनाएका थिए । जि एन सीका पूर्व अध्यक्षहरु टंक गुरुङ र राम गुरुङले संस्थाले समुदायमा खेलेको भुमिका र “सिनियर्स डे” को महत्वका बारेमा आफ्नो बिचार राखेका थिए ।
ब्यवसायि तथा समुदायका अगुवा भवानी ओलीले जि एन सी फुटबल लिग मार्फत युवापुस्तालाई रचनात्मक र सृर्जनसिल बनाउन संस्थाले महत्वपूर्ण भुमिका खेलेको बताए । ओली एण्ड एसोसिएटले ब्यवसायिक लक्ष्य भन्दा पनि सामाजिक जिम्मेवारी अन्तर्गत खेलकुद प्रतियोगिताको प्रयोजन बिगत बर्षदेखि निरन्तर गर्दै आएको ओलीले बताए ।
पत्रकार एवं नेप्लिज अस्ट्रेलियन एसोसिएसका महासचिव ऋषि आचार्यले अस्ट्रेलियाको एज केयर प्रणाली र जेष्ठ नागरिको लागि उपलब्ध सेवाहरुको बारेमा जानकारी दिएका थिए ।
कार्यक्रममा एन आर एन अस्ट्रेलियाका उपाध्यक्ष देब गुरुङ, नेपाली कला संस्कृति तथा साहित्य प्रतिष्ठानकी अध्यक्ष शुजाता बस्नेत र सफयर ईस्टेटका निर्देशक विश्वास भट्टराई लगाएत जि एन सीका पदाधिकारीहरु उपस्थित थिए ।
कार्यक्रममा जि एन सी ओली एण्ड एसोसिएत लिग प्रतियोगिता सम्मपन्न गर्न सहयोगि स्वयम सेवीहरुलाई प्रसंसा पत्र वितरण गरिएको थियो ।
संस्थाले बिगत पाँच बर्षदेखि सिनियर्स विकको अवसर कार्यक्रम गर्दै आएको छ ।
