विश्व चर्चित अर्जेन्टिनी फुलबल खेलाडी डिएगो म्याराडोनाको निधन भएको छ ।
चर्चित फुटबल खेलाडी म्याराडोनाको यही नोभेम्बरको शुरुमा मस्तिष्कमा रगत जमेपछि सफल शल्यक्रिया गरिएको भएपनि उनको उपचार जारी रहँदा निधन भएको बीवीसी लगायत अन्तराष्ट्रिय संचारमाध्यमले जनाएका छन् ।
६० बर्षीय म्याराडोना अर्जेन्टिनाका आक्रमक मिड फिल्डर थिए । ८० को दशकमा विश्वका सबैभन्दा चर्चित खेलाडीको रुपमा रहेका म्याराडोना अर्जेन्टिनी फुटवल टिमको क्याप्टेन हुँदा सन् १९८६ मा अर्जेन्टिनाले विश्व कपको उपाधी चुमेको थियो ।
यसको अतिरिक्त उनले विश्व रेकर्डहरु छन् । उनी आफ्नो खेल जीवन कालभर सर्वश्रेष्ठ खेलाडीको रूपमा लोकप्रिय थिए ।
उनले बार्सिलोना र नापोली क्लवहरुमा रहेर खेलेका थिए । म्याराडोनाले विश्वकपमा अर्जेन्टिनाको लागि ९१ वटा खेलहरुमा ३४ गोल गरेका थिए । आफ्नो खेल जीवनको उत्तरार्धमा सन १९९१ मा उनले कोकिन प्रयोग गरेको प्रमाणित भएपछि १५ महिना खेलबाट प्रतिबन्धित हुनुपरेको थियो ।
म्याराडोनाले ३७ बर्षको उमेरमा व्यवसायिक खेलबाट सन् १९९७ मा सन्यास लिएका थिए । खेल जिवनबाट सन्यास लिएपनि उनले सन् २००८ मा अर्जेन्टिनाको राष्ट्रिय टिमको मुख्य प्रशिक्षक बनेका थिए ।
सन २०१० को विश्वकपमा आफ्नो टिम जर्मनीसँग क्वाटर फाइनलमा पराजित भएपछि मुख्य प्रशिक्षकको जिम्मेवारी छाडेका थिए ।
म्याराडोनाको निधनले विश्वभरका फुटबल खेलाडी र खेलप्रेमीहरुमा ठूलो चोट पुर्याएको छ ।
