होबार्ट । तास्मानिया प्रहरीले विगत ६ दिन देखि हराई रहेका नेपाली भाषी हेम विश्वको खोजिको लागि सहयोग गर्न सार्वजनीक अपिल गरेको छ । ६ दिन अघि उनी ग्लेनोर्चीमा देखिएकाे प्रहरीले उल्लेख गरेको छ ।
तास्मानिया प्रहरीले आफ्नो आधिकारिक फेसबुक पेजमा सूचना जारी गरी हराएका भनिएका हेमको हुँलीया खुलाएको छ । प्रहरीको सूचनामा भनिएको छ “उनी २६ बर्षका हुन र उनलाई स्वास्थ्यका कारण सहयोगको आवश्यकता पर्नै देखिन्छ ।” उनी १५५ सेन्टिमिटर अग्ला र पातलो जैतुनरंगको कलर भएका छन् ।
प्रहरीले थप खुलाएको छ “उनी नेपाली मुलका हुन तर उनी कम मात्र अंग्रेजी बोल्छन । यदि तपाईंले हेमलाई देख्नु भएको छ वा जान्नु भएको छ १३१४४४ ग्लेनोर्ची पुलिसलाई सम्पर्क गर्न अनुरोध गरिएको छ ।”
यसैवीच गैर आवासीय नेपाली संघ तास्मानीयाका संयोजक सन्देश परियारले भने उनी हराएको बारेमा आधिकारीक जानकारी नआएको तर प्रहरीले हराएको सूचना बाहिर ल्याएकाले उनको खोजिमा पहल गर्नै बताए ।
