क्यानबेरा । बिगत २० बर्षदेखि अफगानिस्तानमा तैनाथ अस्ट्रेलियन सेना फिर्ताहुने भएको छ ।
बिहिवार एक कार्यक्रममा बोल्दै अस्ट्रेलियाका प्रधानमन्त्री स्कट मरिसनले आगामी सेप्टेम्बर भित्र अफगानिस्तानबाट सेना फिर्ता हनुे घोषणा गरेका हुन् । यो अवधिमा करिब ३९ हजार अस्ट्रेलियन सेना अफगानिस्तानमा परिचालन भएका थिए ।
नेटो नेतृत्वको अलायन्समा सहभागि अस्ट्रेलियाले अफगानिस्तान युद्धमा ४१ जना सैनिक गुमाएको थियो भने दुई सय २० जना गम्भिर घाइते भएका थिए ।
अफगानिस्तानमा अस्ट्रेलियन सैनिकको योगदानको प्रसंसा गर्दै प्रधानमन्त्री मरिसनले भने, “आफ्नो ज्यानको बाजी लगाएर आतंकबादको बिरुद्ध र अफगानिस्ताका नागरिकको सुरक्षको र स्वातन्त्रताको लागि लड्नी उनीहरु महान छन् ।”
अमेरिकि राष्ट्रपति जो बाइडनले पनि अमेरिकी सेना फिर्ता गर्ने घोषणा गरेको लगत्तै अस्ट्रेलियाको पनि यो निर्णय आएको हो ।
