सिड्नी । न्यु साउथ वेल्स राज्यमा कोरोना भाइरस संक्रमितको संख्या बढेपछि राज्य सरकारले हटस्पट क्षेत्रमा लकडाउन गर्ने भएको छ ।
राज्यकी प्रिमियर ग्लाडिस बेरिजिक्लियनले २५ जुन शुक्रवार आयोजित नियमित पत्रकार सम्मेलनमा बोल्दै सिड्नीका चारवटा स्थानिय निकायहरुमा मध्यरातदेखि लकडाउन गरिने जानकारी दिएकी हुन् ।
सिड्नी सिटी सहित रेन्डविक, वेभर्ली र वलाहरा काउन्सिलहरुमा एक हप्ताको लागि लकडाउन घोषण गरिएको छ ।
प्रिमियर बेरिजिक्लियनका अनुसार यी काउन्सिलहरुमा अत्याबश्यक कारण बाहेक घरबाट बाहिर निस्कन निषेध गरिएको छ ।
निम्न कारण र अबस्थामा मात्र लकडाउनको बेला घरबाट बाहिर निस्कन पाइन्छ:
यसै गरी प्रिमियरले बृहत् सिड्नी क्षेत्रमा यसअघि लागू गरिएका अन्य प्रतिबन्धहरू पनि थप एक साताका लागिसम्म लम्ब्याइएको बताएकी छिन् ।
शुक्रवार थप २२ जनामा कोरोनाभाइरस सङ्क्रमित भएको अधिकारीहरूले पुष्टि गरेपछि न्यु साउथ वेल्सको पछिल्लो कोभिड–१९ संक्रमितहरूको जम्मा संख्या ७१ पुगेको छ ।
विगत १४ दिनको समयमा यी चारवटा काउन्सिल क्षेत्रहरूमा पुगेका मानिसहरूका लागि पनि लकडाउनका नियमहरू लागू हुने बेरिजिक्लियनको भनाई छ ।
याे पनि पढ्नुहाेस् ।
न्यु साउथ वेल्सका कृषि मन्त्री कोरोना संक्रमित; डेपुटी प्रिमियर र स्वास्थ्य मन्त्री सेल्फ आइसोलेसनमा
