पश्चिम सिड्नीको कम्बरल्याण्ड र ब्ल्याकटाउन स्थानिय निकायहरुलाई राज्यका अन्य सहरहरुसँग “लक आउट” गरिएको छ ।
सिड्नी । न्यु साउथ वेल्स राज्यमा कोरोना भाइरसको संक्रमितहरुको संख्यामा उल्लेख्य बृदिृसँगै केही प्रतिबन्धहरु थपिएको छ ।
पश्चिम सिड्नीको कम्बरल्याण्ड र ब्ल्याकटाउन स्थानिय निकायहरुलाई राज्यका अन्य सहरहरुसँग “लक आउट” गरिएको छ । यी स्थानिय निकायका धेरै सबअर्वहरुमा नेपाली समुदायको बाक्लो बासोबास रहेको छ ।
शुक्रबार सिड्नीमा आयोजित नियमित पत्रकार सम्मेलनमा बोल्दै राज्यकी प्रिमियर ग्लाडिस बेरिजिक्लियनले यी दुई निकायका बासिन्दाहरुलाई अत्याबश्यक बाहेक घर बाहिर जान प्रतिबन्ध लागईएको जानकारी दिएकी थिइन । राज्यको क्राइसिस क्याबिनेट बिहिबार बसेको बैठकले लक आउटको निर्णय गरेको प्रिमियरले जानकारी दिइन ।
स्वास्थ्य, बृद्ध तथा असक्तता स्याहार, अत्यावश्यक र आकस्मिक सेवामा कार्यरत कर्मचारिहरुलाई भने यो नियम लागुहुँदैन ।
यसैबीच न्यु साउथ वेल्स राज्यमा एक सय ३६ जना नयाँ संक्रमितहरु थपिएका छन् भने ८९ बर्षिय एक पुरुषको निधन भएको छ । रज्यमा बिगत २४ घण्टामा ८७ हजार जनाले कोरोनाको परिक्षण गरेका थिए ।
रज्यमा क्यान्टबोरी ब्याङ्सटाउन, लिभरपुल र फेयरफिल्ड काउन्सिलहरु जारी गरिएको कडा लकडाउन कायमै रहने बताईएको छ ।
राज्य सरकारले जारी गरेकाे प्रतिबन्धहरू र जानकारीहरूको लागि तलको लिंकमा जानुहाेस् ।
कोरोनाको महामारीमा अस्ट्रेलियामा फस्टाएको डोटेली युवाहरुको “इभजोन”
