सिड्नी । न्यु साउथ वेल्सकी प्रिमियर ग्लेडिस बेरेजिक्लियनले शुक्रबारको नियमित पत्रकार सम्मेलनमा बोल्दै बिगत २४ घण्टामा राज्यमा ३१ जनालाई कोरोना संक्रमित भएको जानकारी दिएकी छन् ।
बिगत २४ घण्टामा राज्यमा ७३ हजार ६ सय २ जनाले कोरोना परिक्षण गरेका थिए ।
राज्यकी प्रमुख स्वास्थ्य अधिकारी डा केरी चान्टका अनुसार ३ जनाको जटिल स्वास्थ्य अवस्था भएको कारण आई सि यु मा राखेर उपचार भैरहेको छ ।
न्यु साउथ वेल्सकी प्रमुख स्वास्थ्य अधिकारी डा केरी चान्टले दुइ हप्ते लकडाउन लम्बिन सक्ने बताएकी छन् ।
शुक्रबारको पत्रकार सम्मेलनमा बोल्दै डा चान्टले भनिन, “हामीले बनाएको योजना अनुसार ९ जुलाइमा लकडाउन अन्त नहुनपनि सक्छ । भाइरस संक्रमितको संख्या नघटे सम्म लकडाउन अत्य हुँदैन ।”
साथै उनले नागरिकलाई घरमै बस्न र कुनै लक्षणहरु देखिए परिक्षण गर्न अनुरोध गरेकी छन् ।
