तास्मानिया । विगत चार वर्षदेखि अस्ट्रेलियाको साउथ होवार्टको एक एज्ड केयर सेन्टरमा नर्सिङ सहायकको रुपमा काम गर्दै आएकी सपना नकर्मी अहिले नेपालबाट अस्ट्रेलिया फर्कन संघर्ष गरिरहेकी छन् ।
यस वर्षकै सुरुवातमा उनी आफ्नी विरामी आमाको हेरचाहका लागि नेपाल फर्किएकी थिइन् र उनी केवल तीन हप्ताका लागि मात्र नेपाल आएपनि अचानक भएको सिमा बन्दले अहिले नेपालमै अड्कीए छन् ।
नकर्मीले बताए अनुसार उनी पूर्णकालिन कामदार भएको तथा व्यवस्थापकबाट आवश्यक कागजात प्राप्त गरेपनि उनले नौ पटकसम्म यात्रा प्रतिवन्ध फुकुवाका लागि आग्रह गरिन तर सफल भइनन् ।
अस्ट्रेलिया प्रवेशका लागि दुई थरीको सूची छ तर प्रायोरिटी माइग्रेसन स्कील्ड अकुपेशन लिस्टमा केवल दर्ता भएका नर्सहरुमात्र समावेश भएपनि एज्ड केयरमा काम गर्नेहरु छैनन ।
यता अस्ट्रेलियाको बाेर्डर फोर्सको वेवसाईटले भने एज्ड् केयर वर्करको हकमा केही नियम परिवर्तन गरिएको तथा एज्ड केयर वर्करको यात्रा माथिको प्रतिवन्ध जुलाईमै हटाइएको देखाएको छ ।
तर नकर्मीले अस्ट्रेलिया फर्कनका लागि दिएको निवेदनको अनुभवसँग विरोधाभासपूर्ण छ किन भने उनले पहिलो पटक अप्रिलमा यात्रा छुटका लागि निवेदन दिएकी थिइन् ।
यात्रा गर्नु किन आवश्यक छ भनेर रोजगारदाताबाट निवेदकले चिठी प्राप्त गर्नुपर्छ तथा नकर्मीको योग्यताले उनलाई अन्य बृद्धहरुलाई हेरचाह गर्न र नर्सहरुलाई सहयोग पुर्याउन योग्य बनाएको देखिन्छ ।
नकर्मीको व्यवस्थापकले जुलाईको अन्त्यमै कोभिड-१९ को महमारीका कारण कामको पालो परिवर्तन गर्न समस्या उत्पन्न भइरहेको भन्दै चिठी लेखेका थिए । तर अस्ट्रेलियाको वोर्डर फोर्सको वेवसाईटले नकर्मीको दक्षता आवश्यक योग्यताको सूचीमा नपर्ने बताएको छ ।
तस्मानिया ग्रीन्सका सिनेटर निक म्याककिमले नकर्मीले गृहमन्त्रालयको संसदीय सम्पर्क विभागलाई पटक पटक आग्रह गर्दा पनि उनले यात्रा फुकुवा किन नपाएको भन्दै ध्यानाकर्षण गराएपछि उनको मुद्दा बाहिर आएको हो । सिनेटर म्याककिम लामो समयदेखि अस्ट्रेलियन सरकारको अध्यागमन नीतिको विरोध गर्दै आएका छन् ।
यता अस्ट्रेलियनको वोर्डर फोर्सले भने मार्च र अगस्टको बीचमा ५ हजार १ सय ४२ जनालाई यात्राका लागि छुट दिइएको जनाएको छ ।
एज्ड एण्ड कम्यूनीटी सर्भिसेज अस्ट्रेलिया जस्ता संस्थाले कोभिड-१९ महामारीको अवधिमा मात्र नभई एज्ड केयरलाई संघीय सरकारले अत्यावश्यक सीपको रुपमा लिनका लाग पैरवी गरिरहेको छ ।
“हामीलाई थाहा छ कि एज्ड केयरका दर्ता गरिएका नर्सहरु केही समयका लागि मात्र सो सूचीमा राखिएको छ तर हामीलाई लाग्छ कि हेरचाहकर्मीहरुलाई पनि अत्यावश्यक सीपको सूचीमा राखिनुपर्छ ।” एज्ड एण्ड कम्यूनीटी सर्भिसेज अस्ट्रेलियाका प्रमुख कार्यकारी प्याट्रिसिया स्पारोले बताए ।
