अस्ट्रेलियाको २०२१ वर्ष व्यक्ति ग्रेस टेमले निर्वाचन अगाडि प्रधानमन्त्रीका विरूद्ध घातक अभिव्यक्ति नदिन भन्दै धम्कीपूर्ण टेलिफोने आएको खुलासा गरेकी छिन् ।
बुधबार नेशनल प्रेस क्लब क्यानबेरामा बोल्दै उनले यस्तो बताएकी हुन् ।
ग्रेस टेम बाल यौन दुव्र्यवहार पीडित अभियन्ता र वकिल हुन् । सन् २०२१ को वर्ष व्यक्तिको उपाधि पाएको पाँच महिनामै सरकारी लगानी रहेका संस्थाहरूबाटै धम्कीपूर्ण फोनहरू आएको उनले बताइन् ।
अस्ट्रेलियन संसदमा मंगलबार मात्रै संसदभित्रै बलत्कार, धम्की र उत्पीडनमा परेका व्यक्तिहरूप्रति माफी मागिएको थियो । अस्ट्रेलियाको पूर्व वर्ष व्यक्ति ग्रेस टेमले त्यसलाई सरकारको अन्तिम समयको सतही आत्मस्वीकृति, सचेततापूर्वक मञ्चन गरिएको तस्वीर र रित्तो घोषणको संज्ञा दिएकी छन् ।
Grace Tame has alleged that a senior member of a government-funded organisation, asked her not to say 'anything damning' about Prime Minister Scott Morrison in a 'threatening' phone call while she was Australian of the Year. pic.twitter.com/jcb4SB1TAY
— SBS News (@SBSNews) February 9, 2022
नेशनल प्रेस क्लबमा उनले भनिन्, ‘यस वर्ष पटक पटक हाम्रो शक्तिशाली हलमा शिकारीहरूले गरेको छल र त्यसको नक्कल देखेको छु ।’ सरकारी लगानीका संस्थाका उच्च पदस्थ व्यक्तिले फोन गरेर धम्की दिदै प्रधानमन्त्रीलाई आरोपित गरेर नबोल्ने प्रतिबद्धता खोजेको उनले बताइन् ।
‘तपाई प्रभावशाली व्यक्ति हो । तपाइको कारण डर हुनसक्छ भनेर फोन आएको थियो’, टेमले भनिन, ‘मैले कस्तो डर भनेर प्रश्न गरेको थिए ।’ फोन गर्ने व्यक्तिले निर्वाचन नजिकिएको बताएको उनले सुनाइन् ।
फोन गर्ने व्यक्तिले भनेको कुरा स्मरण गर्दै टेमले भनिन्, ‘यस विषयमा अरूले थाहा पाउँदा मेरो जागिर जान सक्छ । तपाई पनि त्यस्तो चाहुनुहुन्न । चाहनुहुन्छ र ? चाहनुहुन्न ।’
उनले आगामी दिनमा अन्याय र समस्यामा परेकाहरूको पक्षमा काम गरिरहने, आवाज उठाउने र पछि नहट्ने प्रतिवद्धता व्यक्त गरेकी छन् ।
उनले भनिन्, ‘दुष्टहरूका विरूद्ध उभिने सचेततापूर्वक निर्णय गरेको कारण म अहिले यहाँ छु । मैले पहिल्यैदेखि अन्यायमा परेकाहरूको आवाज उठाइरहेको छु । अब चुपचापपछि हट्नु पाखण्डीपन हुनेछ ।’
प्रधानमन्त्री स्कट मोरिसनका प्रवक्ताले भने प्रधानमन्त्रीले टेमको आरोपबारे बुधबारको उनको भाषणपछि मात्रै थाहा पाएको प्रतिक्रिया दिएका छन् ।
‘प्रधानमन्त्रीले त्यस्ता कार्यहरुलाई बैधता दिएका छैनन् । प्रधानमन्त्रीले सधै टेमलाई मर्यादा र सम्मानपूर्वक व्यवहार गरेका छन्’, प्रवक्ताले भनेका छन् ।
टेम सधैं आफ्नो मनमा लागेको कुरा भन्न र आफूले रोजेको व्यवहार गर्न स्वतन्त्र रहेको प्रधानमन्त्रीका प्रवक्ताले बताएका छन् । उनीहरुले त्यसरी धम्कीपूर्ण फोन गर्ने व्यक्तिलाई माफी माग्न पनि भनेका छन् ।
1800 Respect National Helpline: 1800 737 732
Sexual Assault Crisis Line Victoria: 1800 806 292
Safe Steps Crisis Line (Vic): 1800 015 188
Men’s Referral Service: 1300 766 491
Lifeline (24-hour Crisis Line): 131 114
प्रधानमन्त्री मोरिसनले हिगन्ससँग मागे माफी, संसदमा पढेर सुनाइयो सार्वजनिक माफीपत्र
